Prabodhanam Weekly

Pages

Search

2018 സെപ്റ്റംബര്‍ 21

3068

1440 മുഹര്‍റം 10

അഭയാര്‍ഥി ക്യാമ്പ് പറഞ്ഞത്

ശാഹിന തറയില്‍

അഭയാര്‍ഥി ക്യാമ്പിലെ

അതിജീവനത്തിന്റെ

പായയില്‍

അന്തിയുറങ്ങാന്‍

കിടന്നപ്പോഴാണ്

 

പശിയടങ്ങാത്ത

വയറിന്റെ പൊരിച്ചില്‍

ഞാനറിഞ്ഞത്

 

ഉടുതുണിക്ക് മറുതുണിയില്ല

എന്ന വാക്കിന്റെ

പൊരുളറിഞ്ഞത്

 

പലായനം ചെയ്യുന്നവന്റെ

നെഞ്ചിനുള്ളിലെ

വേവറിഞ്ഞത്

 

അഭയം തേടി വരുന്നവന്റെ

നെടുവീര്‍പ്പിന്റെ

ചൂടറിഞ്ഞത്

 

പേമാരിയോടൊപ്പം

ഇരച്ചുവന്ന തണുപ്പ്

ഉടലിനെ ചൂഴവെ

ആരോ വെച്ചുനീട്ടിയ പുതപ്പ്

എന്റെ പ്രളയക്കെടുതിയിലേക്ക്

ഊര്‍ന്നു വീണപ്പോള്‍ മാത്രമാണ്

 

ഗസ്സയും സിറിയയും

റോഹിങ്ക്യകളുമെല്ലാം

ഒരു നോവായി

എന്നിലേക്ക് പെയ്തിറങ്ങിയത്.

Comments

Other Post

ഖുര്‍ആന്‍ ബോധനം

സൂറ-29 / അല്‍ അന്‍കബൂത്ത് (28 - 35)
എ.വൈ.ആര്‍

ഹദീസ്‌

വര്‍ധിക്കുന്ന കൊലപാതകങ്ങള്‍
കെ.സി സലീം കരിങ്ങനാട്