ഇതെഴുതുമ്പോള് രാജ്യത്തിന്റെ
ഇതെഴുതുമ്പോള് രാജ്യത്തിന്റെ പതിനെട്ടാം ലോക്സഭയിലേക്കുള്ള തെരഞ്ഞെടുപ്പ് ഫലങ്ങള് പൂര്ണമായും പുറത്തുവരുന്നേയുള്ളൂ. എത്രകാലം എന്നതിനെ സംബന്ധിച്ച് സംശയമാകാമെങ്കിലും മൂന്നാം തവണയും സംഘ് പരിവാര് തന്നെ അധികാരത്തില് തുടരാനാണ് സാധ്യത. എങ്കിലും വെറുപ്പിനും വിദ്വേഷത്തിനും ന്യൂനപക്ഷ വിരുദ്ധതക്കും വംശീയതക്കുമെതിരെ ഈ രാജ്യം താല്ക്കാലിക വിജയമെങ്കിലും നേടിയിരിക്കുന്നു എന്ന് നിസ്സംശയം പറയാം. ആര്.എസ്.എസ് പ്രതിനിധാനം ചെയ്യുന്ന ഹിന്ദുത്വം ഈ മണ്ണില് വിത്തിട്ട അന്നു മുതല് പറഞ്ഞുകൊണ്ടേയിരിക്കുന്ന മേല് സൂചിപ്പിച്ച പൈശാചികതകളുടെ അവസാന ആയുധവും പുറത്തെടുത്ത സന്ദര്ഭമായിരുന്നു രണ്ട് മാസത്തോളം നീണ്ട തെരഞ്ഞെടുപ്പ് കാലം. തെരഞ്ഞെടുപ്പിന്റെ മറവില് ഈ രാജ്യം ഉയര്ത്തിപ്പിടിക്കുന്ന മൂല്യങ്ങളെത്തന്നെയാണ് നരേന്ദ്ര മോദിയുടെ നേതൃത്വത്തിലുള്ള സംഘം നേരിട്ടത്. പക്ഷേ, വെറുപ്പിന്റെ അര്മാദത്തില് ഒരു രാജ്യത്തെ ൈകയടക്കാനുള്ള തേരോട്ടത്തിനേറ്റ മഹാ പ്രഹരമാണ് തെരഞ്ഞെടുപ്പ് ഫലം. സീറ്റുകള് കൂടുതലാര്ക്ക് എന്നത് നമ്മുടെ ജനാധിപത്യ പ്രക്രിയയുടെ ദൗര്ബല്യത്തിന്റെ ഭാഗമാണ്.
ഇന്ത്യന് സമൂഹം അഭിനന്ദനമര്ഹിക്കുന്നുണ്ട്. കാരണം, ഈ തെരഞ്ഞെടുപ്പ് അക്ഷരാര്ഥത്തില് ജനങ്ങളുടെ തെരഞ്ഞെടുപ്പ് തന്നെയായിരുന്നു. ചരിത്ര സന്ദര്ഭത്തിന്റെ ഗൗരവത്തെ ഇന്ത്യന് ജനത യഥാതഥം ഉള്ക്കൊണ്ടു. വെറുപ്പിന്റെ പ്രത്യയശാസ്ത്രം രാജ്യത്തെ തകര്ക്കുമെന്ന് അവര് മനസ്സിലാക്കി. വെറുപ്പിനെതിരെ രാഷ്ട്രീയ സംഘടനകളും പൗരസമൂഹവും സാമൂഹിക മാധ്യമ പ്രതിഭകളും ഒന്നിച്ചണിനിരന്നു സംഘ് പരിവാറിനെ പിടിച്ചുകെട്ടി. മുന്നണി പോലും ആവശ്യമില്ലാത്ത വിധം കേവല ഭൂരിപക്ഷത്തോടെ ബി.ജെ.പി ആര്ത്തുല്ലസിച്ചു ഭരിച്ച ഒരു പതിറ്റാണ്ടിന് സമാപനമായിരിക്കുന്നു. നൂറ്റാണ്ടിന്റെ സ്വപ്ന സാക്ഷാല്ക്കാരമുണ്ടല്ലോ, ഹിന്ദുരാഷ്ട്ര പ്രഖ്യാപനം- അതത്ര എളുപ്പമല്ല എന്നു ചുരുക്കം. 400 സീറ്റുകളെന്ന ലക്ഷ്യത്തില്നിന്ന് ബഹുദൂരം പിറകിലാണ് അവര്. രാജ്യത്തെ മതനിരപേക്ഷ മനസ്സുള്ളവര്ക്ക് വലിയ പ്രതീക്ഷയാണ് തെരഞ്ഞെടുപ്പ് ഫലം നല്കുന്നത്.
ജനാധിപത്യത്തിന്റെ മൗലിക ദൗര്ബല്യമാണ് സംഘ് പരിവാറിനെ അധികാരത്തിലെത്തിച്ചത്. ഈസാ മസീഹിനെ വധിക്കാനും സോക്രട്ടീസിന് വിഷം നല്കാനും തീരുമാനിച്ചത് ജനങ്ങളായിരുന്നു എന്നപോലെ ഇന്ത്യന് ജനാധിപത്യത്തിന് സംഭവിച്ച അബദ്ധമായിരുന്നു സംഘ് പരിവാര് എന്ന ചോയ്സ്. സ്വാതന്ത്ര്യത്തിന് ദശാബ്ദങ്ങള്ക്ക് മുമ്പ് തുടക്കമിടുകയും സ്വാതന്ത്ര്യാനന്തരം തികഞ്ഞ ആസൂത്രണത്തോടെയും ചിട്ടയാര്ന്ന പ്രവര്ത്തനങ്ങളിലൂടെയും രാജ്യത്ത് പിടിമുറുക്കുകയുമായിരുന്നു തീവ്ര ഹിന്ദുത്വം. അതിനെ നേരിടുന്നതിന് മൃദു ഹിന്ദുത്വത്തെ ഉപയോഗിച്ച ഇന്ത്യന് രാഷ്ട്രീയ, ഭരണവര്ഗങ്ങളുടെ സമീപനം ആര്.എസ്.എസിന് തന്നെ മൂലധനമാവുകയായിരുന്നു. അതിന്റെ സ്വാഭാവിക ഫലമാണ് 'ദൈവാവതാര'ത്തിന് കീഴൊതുങ്ങിയത്.
പക്ഷേ, രാഹുല് ഗാന്ധിയുടെ നേതൃത്വത്തിലുള്ള കോണ്ഗ്രസ് ഇക്കാര്യം തിരിച്ചറിഞ്ഞു എന്നു വേണം കരുതാന്. രാജ്യത്തെ ദലിത്, പിന്നാക്ക, ന്യൂനപക്ഷങ്ങളും മറ്റനേകം സ്വത്വ സമൂഹങ്ങളും അരികുകളിലും അതിര്ത്തികളിലും താമസിക്കുന്ന ജനതകളും അഭിമുഖീകരിക്കുന്ന പ്രതിസന്ധികളും സാമൂഹിക പ്രസ്ഥാനങ്ങളുടെ ആവശ്യങ്ങളും മനസ്സിലാക്കാനും അവരോട് സംവദിക്കാനുമുള്ള വഴക്കവും വിനയവും കോണ്ഗ്രസ് നേടിയെടുത്തു. ജാതി സെന്സസ് നടപ്പാക്കുമെന്ന കോണ്ഗ്രസിന്റെ വാഗ്ദാനത്തിന്റെ അര്ഥം ഇന്ത്യയുടെ ആത്മാവിനെ കോണ്ഗ്രസ് തൊട്ടറിയുന്നു എന്നാണ്. നെഹ്റുവിന് ശേഷമുള്ള കോണ്ഗ്രസില്നിന്നും ഭിന്നമായ ഉള്ളടക്കമുള്ള കോണ്ഗ്രസിനെ മോദിക്കാലത്ത് രാഹുല് ഗാന്ധി ഭാവനയില് കാണുന്നു. ഫാഷിസത്തിനെതിരെ ഇന്ഡ്യാ മുന്നണി എന്ന ആശയത്തിന് ജന്മം നല്കാനും പ്രയോഗവൽക്കരിക്കാനും കോണ്ഗ്രസിന് സാധിച്ചത് അതുകൊണ്ടാണ്. സഖ്യചര്ച്ചകളിലെ 'വല്യേട്ടന്' ഇത്തവണ ഉണ്ടായിരുന്നില്ല. കഴിഞ്ഞ പത്ത് വര്ഷത്തില്നിന്ന് ഭിന്നമായി രാജ്യത്ത് ശക്തമായ പ്രതിപക്ഷമുണ്ടാകുമെന്ന് പ്രതീക്ഷിക്കാം. എന്നാല്, ഈ തിരിച്ചറിവിനോട് വരുംകാലങ്ങളില് എത്രത്തോളം കോണ്ഗ്രസിന് നീതി ചെയ്യാനാവും എന്നത് ചോദ്യം തന്നെയാണ്.
പാര്ലമെന്ററി ജനാധിപത്യ സംവിധാനത്തിലാണ് ജനതയുടെ മൂക്കുകയര് സംഘ് പരിവാറിനെ കുരുക്കിയിരിക്കുന്നത്. അതേസമയം, ചിന്തിക്കേണ്ട കാര്യം ഇന്ത്യന് ഭരണയന്ത്രത്തെ സംഘ് പരിവാര് എത്രമേല് കൈപ്പിടിയിലൊതുക്കിയിട്ടുണ്ട് എന്നാണ്. അത് മനസ്സിലാക്കാന് അല്പം പിറകില്നിന്ന് ആലോചിക്കേണ്ടി വരും. 1999-ല് അടല് ബിഹാരി വാജ്പേയിയുടെ നേതൃത്വത്തില് ലഭിച്ച ആദ്യാവസരത്തില് തന്നെ ബ്യൂറോക്രസിയിലും സുരക്ഷാ സൈന്യത്തിലുമടക്കം സംഘ് പരിവാര് പടയെ അവര് കുത്തിനിറച്ചിട്ടുണ്ട്. ശേഷമുള്ള മന്മോഹൻ സിംഗിന്റെ പത്തു വര്ഷക്കാലത്തും ഇന്ത്യന് ഭരണയന്ത്രമോ സുരക്ഷാ സേനയോ കാവി സ്വാധീനത്തില്നിന്ന് മുക്തമായില്ലെന്ന് മാത്രമല്ല, കോണ്ഗ്രസ് നിയന്ത്രിത സര്ക്കാറിന്റെ ഭീകര നിയമങ്ങളുടെ തണലില് അത് കരുത്താര്ജിക്കുകയാണ് ചെയ്തത്. ഹിന്ദുത്വവാദികള് തന്നെ ആസൂത്രിതമായി നടത്തിയ ഭീകരസ്ഫോടനങ്ങളുടെ ഉത്തരവാദിത്വം പോലും മുസ്ലിം യുവാക്കളുടെ മേല് കെട്ടിയേല്പിക്കാന് മതേതര സര്ക്കാറുകളും അന്വേഷണ ഏജന്സികളും പോലീസും വ്യഗ്രത കാട്ടുകയായിരുന്നു. അതിന്റെ സ്വാഭാവിക വികാസമായിരുന്നു മോദിക്കാലത്തെ പ്രതിപക്ഷനിരക്കു നേരെയുള്ള വിവിധ അന്വേഷണ ഏജന്സികളുടെ നടപടികള്. സ്ട്രോങ് റൂമുകളിലിരിക്കുന്ന വോട്ടിങ് മെഷീനുകളെ കുറിച്ച ആശങ്കകളും ഇലക്്ഷന് കമീഷന് പോലും സംശയത്തിലായതും ഇതിന്റെ തന്നെ ഭാഗമാണ്. ഡീപ്പ് സ്റ്റേറ്റിനെ ശുദ്ധീകരിച്ചെടുക്കുക എന്നത് സുദീര്ഘമായ പോരാട്ടം ആവശ്യപ്പെടുന്നുണ്ട്.
വെറുപ്പായിരുന്നല്ലോ നരേന്ദ്ര മോദിയുടെ മുഖ്യ ആയുധം. വിശേഷിച്ചും മുസ്ലിം വിരുദ്ധതയുടെ പാരമ്യത്തിലായിരുന്നു അദ്ദേഹം. ആഗോള, ദേശീയ തലങ്ങളില് നിലനില്ക്കുന്ന ഇസ്ലാമോഫോബിയ മികച്ച തെരഞ്ഞെടുപ്പ് ഉരുപ്പടിയാകുമെന്ന് അദ്ദേഹം കണക്ക് കൂട്ടി. തെരഞ്ഞെടുപ്പിന്റെ അവസാന ഘട്ടങ്ങളിലെത്തിയപ്പോള് എന്തെല്ലാമാണ് ആ വായിൽനിന്ന് വന്നത്! അതൊന്നും ഉദ്ദേശിച്ച ഫലം ചെയ്തില്ല. ഇസ്ലാമോഫോബിയ ആഴത്തില് വേരാഴ്ത്തുമ്പോഴും ഭാവിയില് ഇന്ത്യന് സമൂഹം അതിനെ അതിജീവിക്കുമെന്നുള്ള പ്രതീക്ഷ നല്കുന്നതാണ് ജനവിധി.
കേരളത്തിലേക്ക് വരുമ്പോള്, ഒരു സീറ്റ് എന്.ഡി.എ നേടിയിരിക്കുന്നു എന്നതാണ് സവിശേഷമായ കാര്യം. ഫാഷിസത്തിനെതിരെ വലിയ വായില് സംസാരിക്കും കേരളത്തിലെ ഇരു മുന്നണികളും. പക്ഷേ, തെരഞ്ഞെടുപ്പ് രാഷ്ട്രീയത്തില് അതിനെ പ്രതിരോധിക്കാനുള്ള ധാര്മിക ബാധ്യത അവ നിര്വഹിക്കാറില്ല. സംഘ് പരിവാറിനെ ഒന്നിച്ചെതിര്ത്തു തോല്പ്പിക്കുക എന്ന കാഴ്ചപ്പാടിനോട് എന്നും പുറം തിരിഞ്ഞ് നിന്നിട്ടേയുള്ളൂ ഇരു മുന്നണികളും. സംഘ് പരിവാര് ഒന്നിലൊതുങ്ങിയത് ഈ മുന്നണികളുടെ നിലപാടുകൊണ്ടല്ല. കേരളത്തിലെ ജനങ്ങളുടെ രാഷ്ട്രീയ ജാഗ്രത കാരണമാണ്. അതേസമയം ബി.ജെ.പി സ്ഥാനാര്ഥികള് മുമ്പത്തെക്കാള് കൂടുതല് ഗണ്യമായ വോട്ടുകള് നേടിയിട്ടുണ്ട് എന്ന കാര്യം വിസ്മരിക്കരുത്. പുറംമേനിയിലെ മതനിരപേക്ഷതയ്ക്കകത്ത് സമൂഹ ശരീരത്തില് ഇസ്ലാംഭീതി ആപൽക്കരമായ രീതിയില് പടരുന്നു എന്ന് വിളിച്ചു പറയുന്ന ബയോപ്സി ടെസ്റ്റ് കൂടിയാണ് ഈ തെരഞ്ഞെടുപ്പ്. അതിനെ അതിജീവിക്കാനുള്ള ബലം കേരളം നേടിയെടുക്കേണ്ടതായിട്ടു വരും.
പ്രതീക്ഷിച്ച വിജയം മോദിക്കും സംഘത്തിനും നേടാന് കഴിയാതിരുന്നതിന് കാരണം ദേശീയ തലത്തില് മുസ്ലിം സംഘടനകളും മറ്റു പിന്നാക്ക ജനവിഭാഗങ്ങളും സംഘടനകളും സ്വീകരിച്ച നിലപാട് കൂടിയാണ്. തങ്ങളെ കുറിച്ചോ സമുദായം, ദീന്, രാഷ്ട്രം എന്നിവയെ സംബന്ധിച്ചോ ആലോചിക്കാതെ ഓരോ തെരഞ്ഞെടുപ്പിലും രാഷ്ട്രീയ പാര്ട്ടികളുടെ വോട്ടുബാങ്കായി നിന്ന് ചൂഷണം ചെയ്യപ്പെടാനോ താല്ക്കാലിക വികാരങ്ങളെ തൃപ്തിപ്പെടുത്താനോ സമുദായത്തെ വിട്ടുകൊടുക്കേണ്ടതില്ല എന്ന് മുസ്ലിം സമുദായ നേതൃത്വം തീരുമാനിച്ചു. മുസ്ലിം സമുദായത്തെ രാഷ്ട്രീയ സാക്ഷരതയും ജാഗ്രതയുമുള്ളവരാക്കി മാറ്റാനും ബുദ്ധിപൂര്വം വോട്ട് വിനിയോഗിക്കാനും സമുദായ നേതൃത്വം അവരെ പഠിപ്പിച്ചതിന്റെ ഗുണം കൂടിയാണ് ഈ തെരഞ്ഞെടുപ്പ് ഫലം. അങ്ങേയറ്റം ദുര്ബലമായ ഒരു സമുദായത്തിന്റെ രാഷ്ട്രീയ കര്തൃത്വത്തിലേക്കുള്ള ആദ്യ ചുവടുവെപ്പായി ഇതിനെ കാണാം. വരും കാലങ്ങളില് അത് കൂടുതല് കരുത്താര്ജിക്കുകയും ചെയ്യും. പ്രചണ്ഡമായ പ്രചാരണങ്ങളുടെ സാന്നിധ്യമില്ലെങ്കിലും മുസ്ലിം സമുദായ നേതൃത്വം ഇതിന് അത്യധ്വാനം ചെയ്തിട്ടുണ്ട്. ഇസ്ലാമിക പ്രസ്ഥാനവും അതില് നേതൃപരമായ പങ്കും വഹിച്ചിട്ടുണ്ട്.
പ്രിയമുള്ള സഹോദരന്മാരേ, നമ്മുടെ ഉത്തരവാദിത്വം അവസാനിക്കുന്നില്ല. സംഘ് പരിവാർ വോട്ടിംഗില് പിറകോട്ടു പോയത് മാറ്റത്തിന്റെ സൂചന മാത്രമാണ്. ഇസ്ലാമിനെയും മുസ്ലിംകളെയും ഇതര പിന്നാക്ക ദലിത് സമൂഹങ്ങളെയും അപരസ്ഥാനത്ത് പ്രതിഷ്ഠിച്ചുകൊണ്ടാണ് ഇന്ത്യന് ദേശീയത വളര്ന്നതും വികസിച്ചതും. ഈ ഘടകത്തെ ഇല്ലായ്മ ചെയ്യുക എന്നത് സുദീര്ഘമായ പദ്ധതിയാണ്. ഫാഷിസത്തിന്റെ കാലത്തും ജനാധിപത്യപരമായ ഇടപെടലിലൂടെ സാമൂഹിക, രാഷ്ട്രീയ പരിവര്ത്തനം സാധ്യമാണെന്ന് തെരഞ്ഞെടുപ്പ് ഫലം ബോധ്യപ്പെടുത്തുന്നുണ്ട്. രാമക്ഷേത്ര പ്രതിഷ്ഠയോ വിദ്വേഷ പ്രസംഗങ്ങളോ കലാപങ്ങളോ അല്ല ഞങ്ങള്ക്ക് വേണ്ടത്, സ്വസ്ഥവും സമാധാനപൂര്ണവുമായ ജീവിതമാണ് എന്നാണല്ലോ സമ്മതിദാനത്തിലൂടെ ജനങ്ങള് വിളിച്ചുപറഞ്ഞത്. ആ ജീവിതം അവര്ക്ക് ആവശ്യമുണ്ട്; അവരത് തേടുന്നുമുണ്ട്. മാധ്യമ പ്രചാരണങ്ങളിലൂടെയും ഭരണകൂട സഹായത്താലും വ്യാപകമായ ഇസ്ലാം ഭീതി നിലനില്ക്കുന്നതിനാല് അത്തരമൊരാശയം മുസ്ലിം സമുദായത്തിന്റെ കൈയിലുണ്ടെന്ന് അവരറിയുന്നില്ല. അതിവാദങ്ങളുടെയല്ല, സംവാദത്തിന്റെയും സഹവര്ത്തിത്വത്തിന്റെയും സാഹോദര്യത്തിന്റെയും സംസ്കാരത്തിലൂടെ അതവര്ക്ക് കൈമാറുക. സ്ഥൈര്യത്തോടെ ഉറച്ചുനില്ക്കുക. വെളിച്ചത്തെ ഈ നാട് തിരിച്ചറിയുക തന്നെ ചെയ്യും. ഘനാന്ധകാരത്തിന് ശേഷം അത് പതിയെ കുറയും. കാത്തിരിക്കണം. അരനാഴിക നേരം മതി; പ്രഭാതം വരും. l
ലോക്സഭയിലേക്കുള്ള തെരഞ്ഞെടുപ്പ് ഫലങ്ങള് പൂര്ണമായും പുറത്തുവരുന്നേയുള്ളൂ. എത്രകാലം എന്നതിനെ സംബന്ധിച്ച് സംശയമാകാമെങ്കിലും മൂന്നാം തവണയും സംഘ് പരിവാര് തന്നെ അധികാരത്തില് തുടരാനാണ് സാധ്യത. എങ്കിലും വെറുപ്പിനും വിദ്വേഷത്തിനും ന്യൂനപക്ഷ വിരുദ്ധതക്കും വംശീയതക്കുമെതിരെ ഈ രാജ്യം താല്ക്കാലിക വിജയമെങ്കിലും നേടിയിരിക്കുന്നു എന്ന് നിസ്സംശയം പറയാം. ആര്.എസ്.എസ് പ്രതിനിധാനം ചെയ്യുന്ന ഹിന്ദുത്വം ഈ മണ്ണില് വിത്തിട്ട അന്നു മുതല് പറഞ്ഞുകൊണ്ടേയിരിക്കുന്ന മേല് സൂചിപ്പിച്ച പൈശാചികതകളുടെ അവസാന ആയുധവും പുറത്തെടുത്ത സന്ദര്ഭമായിരുന്നു രണ്ട് മാസത്തോളം നീണ്ട തെരഞ്ഞെടുപ്പ് കാലം.
രഞ്ഞെടുപ്പിന്റെ മറവില് ഈ രാജ്യം ഉയര്ത്തിപ്പിടിക്കുന്ന മൂല്യങ്ങളെത്തന്നെയാണ് നരേന്ദ്ര മോദിയുടെ നേതൃത്വത്തിലുള്ള സംഘം നേരിട്ടത്. പക്ഷേ, വെറുപ്പിന്റെ അര്മാദത്തില് ഒരു രാജ്യത്തെ ൈകയടക്കാനുള്ള തേരോട്ടത്തിനേറ്റ മഹാ പ്രഹരമാണ് തെരഞ്ഞെടുപ്പ് ഫലം. സീറ്റുകള് കൂടുതലാര്ക്ക് എന്നത് നമ്മുടെ ജനാധിപത്യ പ്രക്രിയയുടെ ദൗര്ബല്യത്തിന്റെ ഭാഗമാണ്.
ഇന്ത്യന് സമൂഹം അഭിനന്ദനമര്ഹിക്കുന്നുണ്ട്. കാരണം, ഈ തെരഞ്ഞെടുപ്പ് അക്ഷരാര്ഥത്തില് ജനങ്ങളുടെ തെരഞ്ഞെടുപ്പ് തന്നെയായിരുന്നു. ചരിത്ര സന്ദര്ഭത്തിന്റെ ഗൗരവത്തെ ഇന്ത്യന് ജനത യഥാതഥം ഉള്ക്കൊണ്ടു. വെറുപ്പിന്റെ പ്രത്യയശാസ്ത്രം രാജ്യത്തെ തകര്ക്കുമെന്ന് അവര് മനസ്സിലാക്കി. വെറുപ്പിനെതിരെ രാഷ്ട്രീയ സംഘടനകളും പൗരസമൂഹവും സാമൂഹിക മാധ്യമ പ്രതിഭകളും ഒന്നിച്ചണിനിരന്നു സംഘ് പരിവാറിനെ പിടിച്ചുകെട്ടി. മുന്നണി പോലും ആവശ്യമില്ലാത്ത വിധം കേവല ഭൂരിപക്ഷത്തോടെ ബി.ജെ.പി ആര്ത്തുല്ലസിച്ചു ഭരിച്ച ഒരു പതിറ്റാണ്ടിന് സമാപനമായിരിക്കുന്നു. നൂറ്റാണ്ടിന്റെ സ്വപ്ന സാക്ഷാല്ക്കാരമുണ്ടല്ലോ, ഹിന്ദുരാഷ്ട്ര പ്രഖ്യാപനം- അതത്ര എളുപ്പമല്ല എന്നു ചുരുക്കം. 400 സീറ്റുകളെന്ന ലക്ഷ്യത്തില്നിന്ന് ബഹുദൂരം പിറകിലാണ് അവര്. രാജ്യത്തെ മതനിരപേക്ഷ മനസ്സുള്ളവര്ക്ക് വലിയ പ്രതീക്ഷയാണ് തെരഞ്ഞെടുപ്പ് ഫലം നല്കുന്നത്.
ജനാധിപത്യത്തിന്റെ മൗലിക ദൗര്ബല്യമാണ് സംഘ് പരിവാറിനെ അധികാരത്തിലെത്തിച്ചത്. ഈസാ മസീഹിനെ വധിക്കാനും സോക്രട്ടീസിന് വിഷം നല്കാനും തീരുമാനിച്ചത് ജനങ്ങളായിരുന്നു എന്നപോലെ ഇന്ത്യന് ജനാധിപത്യത്തിന് സംഭവിച്ച അബദ്ധമായിരുന്നു സംഘ് പരിവാര് എന്ന ചോയ്സ്. സ്വാതന്ത്ര്യത്തിന് ദശാബ്ദങ്ങള്ക്ക് മുമ്പ് തുടക്കമിടുകയും സ്വാതന്ത്ര്യാനന്തരം തികഞ്ഞ ആസൂത്രണത്തോടെയും ചിട്ടയാര്ന്ന പ്രവര്ത്തനങ്ങളിലൂടെയും രാജ്യത്ത് പിടിമുറുക്കുകയുമായിരുന്നു തീവ്ര ഹിന്ദുത്വം. അതിനെ നേരിടുന്നതിന് മൃദു ഹിന്ദുത്വത്തെ ഉപയോഗിച്ച ഇന്ത്യന് രാഷ്ട്രീയ, ഭരണവര്ഗങ്ങളുടെ സമീപനം ആര്.എസ്.എസിന് തന്നെ മൂലധനമാവുകയായിരുന്നു. അതിന്റെ സ്വാഭാവിക ഫലമാണ് 'ദൈവാവതാര'ത്തിന് കീഴൊതുങ്ങിയത്.
പക്ഷേ, രാഹുല് ഗാന്ധിയുടെ നേതൃത്വത്തിലുള്ള കോണ്ഗ്രസ് ഇക്കാര്യം തിരിച്ചറിഞ്ഞു എന്നു വേണം കരുതാന്. രാജ്യത്തെ ദലിത്, പിന്നാക്ക, ന്യൂനപക്ഷങ്ങളും മറ്റനേകം സ്വത്വ സമൂഹങ്ങളും അരികുകളിലും അതിര്ത്തികളിലും താമസിക്കുന്ന ജനതകളും അഭിമുഖീകരിക്കുന്ന പ്രതിസന്ധികളും സാമൂഹിക പ്രസ്ഥാനങ്ങളുടെ ആവശ്യങ്ങളും മനസ്സിലാക്കാനും അവരോട് സംവദിക്കാനുമുള്ള വഴക്കവും വിനയവും കോണ്ഗ്രസ് നേടിയെടുത്തു. ജാതി സെന്സസ് നടപ്പാക്കുമെന്ന കോണ്ഗ്രസിന്റെ വാഗ്ദാനത്തിന്റെ അര്ഥം ഇന്ത്യയുടെ ആത്മാവിനെ കോണ്ഗ്രസ് തൊട്ടറിയുന്നു എന്നാണ്. നെഹ്റുവിന് ശേഷമുള്ള കോണ്ഗ്രസില്നിന്നും ഭിന്നമായ ഉള്ളടക്കമുള്ള കോണ്ഗ്രസിനെ മോദിക്കാലത്ത് രാഹുല് ഗാന്ധി ഭാവനയില് കാണുന്നു. ഫാഷിസത്തിനെതിരെ ഇന്ഡ്യാ മുന്നണി എന്ന ആശയത്തിന് ജന്മം നല്കാനും പ്രയോഗവൽക്കരിക്കാനും കോണ്ഗ്രസിന് സാധിച്ചത് അതുകൊണ്ടാണ്. സഖ്യചര്ച്ചകളിലെ 'വല്യേട്ടന്' ഇത്തവണ ഉണ്ടായിരുന്നില്ല. കഴിഞ്ഞ പത്ത് വര്ഷത്തില്നിന്ന് ഭിന്നമായി രാജ്യത്ത് ശക്തമായ പ്രതിപക്ഷമുണ്ടാകുമെന്ന് പ്രതീക്ഷിക്കാം. എന്നാല്, ഈ തിരിച്ചറിവിനോട് വരുംകാലങ്ങളില് എത്രത്തോളം കോണ്ഗ്രസിന് നീതി ചെയ്യാനാവും എന്നത് ചോദ്യം തന്നെയാണ്.
പാര്ലമെന്ററി ജനാധിപത്യ സംവിധാനത്തിലാണ് ജനതയുടെ മൂക്കുകയര് സംഘ് പരിവാറിനെ കുരുക്കിയിരിക്കുന്നത്. അതേസമയം, ചിന്തിക്കേണ്ട കാര്യം ഇന്ത്യന് ഭരണയന്ത്രത്തെ സംഘ് പരിവാര് എത്രമേല് കൈപ്പിടിയിലൊതുക്കിയിട്ടുണ്ട് എന്നാണ്. അത് മനസ്സിലാക്കാന് അല്പം പിറകില്നിന്ന് ആലോചിക്കേണ്ടി വരും. 1999-ല് അടല് ബിഹാരി വാജ്പേയിയുടെ നേതൃത്വത്തില് ലഭിച്ച ആദ്യാവസരത്തില് തന്നെ ബ്യൂറോക്രസിയിലും സുരക്ഷാ സൈന്യത്തിലുമടക്കം സംഘ് പരിവാര് പടയെ അവര് കുത്തിനിറച്ചിട്ടുണ്ട്. ശേഷമുള്ള മന്മോഹൻ സിംഗിന്റെ പത്തു വര്ഷക്കാലത്തും ഇന്ത്യന് ഭരണയന്ത്രമോ സുരക്ഷാ സേനയോ കാവി സ്വാധീനത്തില്നിന്ന് മുക്തമായില്ലെന്ന് മാത്രമല്ല, കോണ്ഗ്രസ് നിയന്ത്രിത സര്ക്കാറിന്റെ ഭീകര നിയമങ്ങളുടെ തണലില് അത് കരുത്താര്ജിക്കുകയാണ് ചെയ്തത്. ഹിന്ദുത്വവാദികള് തന്നെ ആസൂത്രിതമായി നടത്തിയ ഭീകരസ്ഫോടനങ്ങളുടെ ഉത്തരവാദിത്വം പോലും മുസ്ലിം യുവാക്കളുടെ മേല് കെട്ടിയേല്പിക്കാന് മതേതര സര്ക്കാറുകളും അന്വേഷണ ഏജന്സികളും പോലീസും വ്യഗ്രത കാട്ടുകയായിരുന്നു. അതിന്റെ സ്വാഭാവിക വികാസമായിരുന്നു മോദിക്കാലത്തെ പ്രതിപക്ഷനിരക്കു നേരെയുള്ള വിവിധ അന്വേഷണ ഏജന്സികളുടെ നടപടികള്. സ്ട്രോങ് റൂമുകളിലിരിക്കുന്ന വോട്ടിങ് മെഷീനുകളെ കുറിച്ച ആശങ്കകളും ഇലക്്ഷന് കമീഷന് പോലും സംശയത്തിലായതും ഇതിന്റെ തന്നെ ഭാഗമാണ്. ഡീപ്പ് സ്റ്റേറ്റിനെ ശുദ്ധീകരിച്ചെടുക്കുക എന്നത് സുദീര്ഘമായ പോരാട്ടം ആവശ്യപ്പെടുന്നുണ്ട്.
വെറുപ്പായിരുന്നല്ലോ നരേന്ദ്ര മോദിയുടെ മുഖ്യ ആയുധം. വിശേഷിച്ചും മുസ്ലിം വിരുദ്ധതയുടെ പാരമ്യത്തിലായിരുന്നു അദ്ദേഹം. ആഗോള, ദേശീയ തലങ്ങളില് നിലനില്ക്കുന്ന ഇസ്ലാമോഫോബിയ മികച്ച തെരഞ്ഞെടുപ്പ് ഉരുപ്പടിയാകുമെന്ന് അദ്ദേഹം കണക്ക് കൂട്ടി. തെരഞ്ഞെടുപ്പിന്റെ അവസാന ഘട്ടങ്ങളിലെത്തിയപ്പോള് എന്തെല്ലാമാണ് ആ വായിൽനിന്ന് വന്നത്! അതൊന്നും ഉദ്ദേശിച്ച ഫലം ചെയ്തില്ല. ഇസ്ലാമോഫോബിയ ആഴത്തില് വേരാഴ്ത്തുമ്പോഴും ഭാവിയില് ഇന്ത്യന് സമൂഹം അതിനെ അതിജീവിക്കുമെന്നുള്ള പ്രതീക്ഷ നല്കുന്നതാണ് ജനവിധി.
കേരളത്തിലേക്ക് വരുമ്പോള്, ഒരു സീറ്റ് എന്.ഡി.എ നേടിയിരിക്കുന്നു എന്നതാണ് സവിശേഷമായ കാര്യം. ഫാഷിസത്തിനെതിരെ വലിയ വായില് സംസാരിക്കും കേരളത്തിലെ ഇരു മുന്നണികളും. പക്ഷേ, തെരഞ്ഞെടുപ്പ് രാഷ്ട്രീയത്തില് അതിനെ പ്രതിരോധിക്കാനുള്ള ധാര്മിക ബാധ്യത അവ നിര്വഹിക്കാറില്ല. സംഘ് പരിവാറിനെ ഒന്നിച്ചെതിര്ത്തു തോല്പ്പിക്കുക എന്ന കാഴ്ചപ്പാടിനോട് എന്നും പുറം തിരിഞ്ഞ് നിന്നിട്ടേയുള്ളൂ ഇരു മുന്നണികളും. സംഘ് പരിവാര് ഒന്നിലൊതുങ്ങിയത് ഈ മുന്നണികളുടെ നിലപാടുകൊണ്ടല്ല. കേരളത്തിലെ ജനങ്ങളുടെ രാഷ്ട്രീയ ജാഗ്രത കാരണമാണ്. അതേസമയം ബി.ജെ.പി സ്ഥാനാര്ഥികള് മുമ്പത്തെക്കാള് കൂടുതല് ഗണ്യമായ വോട്ടുകള് നേടിയിട്ടുണ്ട് എന്ന കാര്യം വിസ്മരിക്കരുത്. പുറംമേനിയിലെ മതനിരപേക്ഷതയ്ക്കകത്ത് സമൂഹ ശരീരത്തില് ഇസ്ലാംഭീതി ആപൽക്കരമായ രീതിയില് പടരുന്നു എന്ന് വിളിച്ചു പറയുന്ന ബയോപ്സി ടെസ്റ്റ് കൂടിയാണ് ഈ തെരഞ്ഞെടുപ്പ്. അതിനെ അതിജീവിക്കാനുള്ള ബലം കേരളം നേടിയെടുക്കേണ്ടതായിട്ടു വരും.
പ്രതീക്ഷിച്ച വിജയം മോദിക്കും സംഘത്തിനും നേടാന് കഴിയാതിരുന്നതിന് കാരണം ദേശീയ തലത്തില് മുസ്ലിം സംഘടനകളും മറ്റു പിന്നാക്ക ജനവിഭാഗങ്ങളും സംഘടനകളും സ്വീകരിച്ച നിലപാട് കൂടിയാണ്. തങ്ങളെ കുറിച്ചോ സമുദായം, ദീന്, രാഷ്ട്രം എന്നിവയെ സംബന്ധിച്ചോ ആലോചിക്കാതെ ഓരോ തെരഞ്ഞെടുപ്പിലും രാഷ്ട്രീയ പാര്ട്ടികളുടെ വോട്ടുബാങ്കായി നിന്ന് ചൂഷണം ചെയ്യപ്പെടാനോ താല്ക്കാലിക വികാരങ്ങളെ തൃപ്തിപ്പെടുത്താനോ സമുദായത്തെ വിട്ടുകൊടുക്കേണ്ടതില്ല എന്ന് മുസ്ലിം സമുദായ നേതൃത്വം തീരുമാനിച്ചു. മുസ്ലിം സമുദായത്തെ രാഷ്ട്രീയ സാക്ഷരതയും ജാഗ്രതയുമുള്ളവരാക്കി മാറ്റാനും ബുദ്ധിപൂര്വം വോട്ട് വിനിയോഗിക്കാനും സമുദായ നേതൃത്വം അവരെ പഠിപ്പിച്ചതിന്റെ ഗുണം കൂടിയാണ് ഈ തെരഞ്ഞെടുപ്പ് ഫലം. അങ്ങേയറ്റം ദുര്ബലമായ ഒരു സമുദായത്തിന്റെ രാഷ്ട്രീയ കര്തൃത്വത്തിലേക്കുള്ള ആദ്യ ചുവടുവെപ്പായി ഇതിനെ കാണാം. വരും കാലങ്ങളില് അത് കൂടുതല് കരുത്താര്ജിക്കുകയും ചെയ്യും. പ്രചണ്ഡമായ പ്രചാരണങ്ങളുടെ സാന്നിധ്യമില്ലെങ്കിലും മുസ്ലിം സമുദായ നേതൃത്വം ഇതിന് അത്യധ്വാനം ചെയ്തിട്ടുണ്ട്. ഇസ്ലാമിക പ്രസ്ഥാനവും അതില് നേതൃപരമായ പങ്കും വഹിച്ചിട്ടുണ്ട്.
പ്രിയമുള്ള സഹോദരന്മാരേ, നമ്മുടെ ഉത്തരവാദിത്വം അവസാനിക്കുന്നില്ല. സംഘ് പരിവാർ വോട്ടിംഗില് പിറകോട്ടു പോയത് മാറ്റത്തിന്റെ സൂചന മാത്രമാണ്. ഇസ്ലാമിനെയും മുസ്ലിംകളെയും ഇതര പിന്നാക്ക ദലിത് സമൂഹങ്ങളെയും അപരസ്ഥാനത്ത് പ്രതിഷ്ഠിച്ചുകൊണ്ടാണ് ഇന്ത്യന് ദേശീയത വളര്ന്നതും വികസിച്ചതും. ഈ ഘടകത്തെ ഇല്ലായ്മ ചെയ്യുക എന്നത് സുദീര്ഘമായ പദ്ധതിയാണ്. ഫാഷിസത്തിന്റെ കാലത്തും ജനാധിപത്യപരമായ ഇടപെടലിലൂടെ സാമൂഹിക, രാഷ്ട്രീയ പരിവര്ത്തനം സാധ്യമാണെന്ന് തെരഞ്ഞെടുപ്പ് ഫലം ബോധ്യപ്പെടുത്തുന്നുണ്ട്. രാമക്ഷേത്ര പ്രതിഷ്ഠയോ വിദ്വേഷ പ്രസംഗങ്ങളോ കലാപങ്ങളോ അല്ല ഞങ്ങള്ക്ക് വേണ്ടത്, സ്വസ്ഥവും സമാധാനപൂര്ണവുമായ ജീവിതമാണ് എന്നാണല്ലോ സമ്മതിദാനത്തിലൂടെ ജനങ്ങള് വിളിച്ചുപറഞ്ഞത്. ആ ജീവിതം അവര്ക്ക് ആവശ്യമുണ്ട്; അവരത് തേടുന്നുമുണ്ട്. മാധ്യമ പ്രചാരണങ്ങളിലൂടെയും ഭരണകൂട സഹായത്താലും വ്യാപകമായ ഇസ്ലാം ഭീതി നിലനില്ക്കുന്നതിനാല് അത്തരമൊരാശയം മുസ്ലിം സമുദായത്തിന്റെ കൈയിലുണ്ടെന്ന് അവരറിയുന്നില്ല. അതിവാദങ്ങളുടെയല്ല, സംവാദത്തിന്റെയും സഹവര്ത്തിത്വത്തിന്റെയും സാഹോദര്യത്തിന്റെയും സംസ്കാരത്തിലൂടെ അതവര്ക്ക് കൈമാറുക. സ്ഥൈര്യത്തോടെ ഉറച്ചുനില്ക്കുക. വെളിച്ചത്തെ ഈ നാട് തിരിച്ചറിയുക തന്നെ ചെയ്യും. ഘനാന്ധകാരത്തിന് ശേഷം അത് പതിയെ കുറയും. കാത്തിരിക്കണം. അരനാഴിക നേരം മതി; പ്രഭാതം വരും. l
